Utladalen nasjonalparksenter
Velkommen til Utladalen nasjonalparksenter
Utladalen nasjonalparksenter fungerer som besøkssenter nasjonalpark for Jotunheimen nasjonalpark og Utladalen landskapsvernområde. I tillegg har senteret, gjennom Stiftinga Utladalen Naturhus, ansvar for alt skjøtselsarbeidet i Utladalen på oppdrag frå Statens Naturoppsyn. Nasjonalparksenteret er ope kvar einaste dag frå mai og ut oktober kvart år, og elles i skuleferiar og i samband med arrangement. Vi opnar dørane for skuleklassar/grupper heile året.
Skjøtsel av kulturlandskapet
i Utladalen
Utladalen nasjonalparksenter utfører skjøtsels- og tilretteleggingstiltak i Utladalen landskapsvernområde gjennom Stiftinga Utladalen Naturhus. Slått, tilsyn med beitedyr, styving av tre og vedlikehald av stiar er nokre av arbeidsoppgåvene vi utfører på oppdrag frå Statens Naturoppsyn.
Ferdsel i verneområda
Målet med opprettinga av verneområde er å ivareta eller styrka naturverdiane for framtida. Difor er naturen i desse områda verna mot skade og forstyrringar.
Det kan vera store inngrep som hyttebygging og nydyrking, men også dei små tinga me gjer, som knekking av greiner, fotoseanse med villrein eller plukking av stein inne i nasjonalparken, kan vera i strid med reglane.