Vormeli

Vormeli ligg langt nord i Utladalen i Vest-Jotunheimen. Her har det tidlegare vore gardsdrift i periodar og det har vore seterdrift her.

Dagens steinbu er såpass primitiv at me har klassifisert den som naudbu, men det går godt an å overnatta her for 3-4 personar. Hytta har benkar med madrasser, omn og peis, i tillegg til ved og gassapparat i forrommet.

Steinbua kan nyttast heile året, men har ikkje sengetøy. Gjestene må ta med sovepose og mat. 

Litt historie

Namnet "Utladalsholet" har også vore mykje brukt om Vormeli. Utladalen Naturhus administrerer i dag vedlikehald av bygning, overnattingstilbod og skjøtsel av kulturlandskapet.
Ei gruppe som kalla seg Vormelis Venner, restaurerte eitt av husa midt på 70-talet og hadde sidan ansvaret for oppfølging fram til 2014. Sidan då har Utladalen Naturhus teke ansvaret, etter avtale med Vormelis Venner, og eigar av staden, som er Eide Gard i Luster.

Vormeli var utgangspunkt for Slingsby, Mohn og Lykken sin vidgjetne tur til Store Skagastølstind, der Slingsby greidde å koma seg til toppen, medan kompisane venta i skaret mellom Store og Vetle, som har fått namnet Mohn's Skar.

Slingsby er offisielt tilkjend æra av å vera fyrst på denne toppen, som gjerne blir kalla "Storen" på folkemunne.

Overnatting

På Vormeli kan du overnatta så sant du har med deg DNT-nøkkel. Ubetjent overnatting. Betalingsinformasjon finn du i huset.

PRIS:

  • DNT-medlem 200 kr pp

  • Ikkje DNT-medlem: 300 kr pp

  • Born gratis.

Hytta vert i dag drive av Stiftinga Utladalen Naturhus. 

Kontakt tilsynsansvarleg Ole Magnar Nundal på tlf +47 959 97 045.