Tusenmeteren
Den mest spektakulere sykkelvegen i Noreg?
Med sykkel til Tusenmeteren
FILM: Visit Sognefjord / Bulder & Brak Oppleviingar
I dag er Tunnelvegen til Tusenmeteren ein ettertrakta turveg for både gåande og syklistar. Du kan velja den tunge varianten opp Røyrgatevegen frå Øvre Årdal og opp til Tusenmeteren, eller du kan starta på Sletterust og gå tur/retur Tusenmeteren på Tunnelvegen.
Startpunkt : Sletterust (Damvoktarhuset)
Tidsbruk t/r : 3 timar på sykkel
Sesong : Juli-Oktober
Parker ved fv 53 på Sletterust og gå eller sykle til Tusenmeteren. Med sykkel følgjer du den gamle fjellvegen med nokre svært luftige parti til utsynspunktet på Tusenmeteren med utsikt over Hurrungane, Bøttejuvet og Utladalen. Du kan så velja å sykla ned dei 26 hårnålsvingane til bilvegen eller ta turen tilbake til Sletterust.
Ta kontakt med Bulder & Brak Opplevingar dersom du ønskjer å leiga sykkel eller vera med på guida sykkeltur t/r Sletterust-Tusenmeteren.
Tilstandsrapport Tunnelvegen:
Delar av Tunnelvegen er smal og i stor grad usikra med grov og ujamn overflate og hjulspor. Du må difor ta det roligare enn på ein moderne sykkelveg, og turen eignar seg ikkje for uerfarne syklistar. Dei mest krevjande partia finn du rett før og inne i tunnelen ca 5,5 km ut i sykkelturen og vidare frå utsiktspunktet 1000moh og ned til FV53 (lang nedfart og skarpe svingar).
Hald deg inn mot fjellet der det er mogleg, og gå av sykkelen i dei partia av vegen du ikkje er komfortabel med å sykla.
Vegen er utsatt for steinsprang, spesielt ved mykje nedbør, og den blir ikkje rydda/vedlikehalden.
Om Røyrgatevegen til Tusenmeteren
Røyrgatevegen frå Øvre Årdal til Tusenmeteren
Historie
Vegen Øvre Årdal - Valdres over Heirsnosi vart opna i 1934. Første gong kravet om veg frå Øvre til Valdres vart fremja, var i 1887. Anleggsarbeidet starta i 1910 av Tyinfaldene A/S.
Høgste punkt på røyrgatevegen Øvre Årdal-Tyinkrysset ligg på 1117 meter over havet (ved Tyin-vatnet) meter, og frå Øvre Årdal er høgdeforskjellen over 1000 meter opp til Heirsnosi. Vegen slynga seg i 42 svingar opp den stupbratte fjellsida.
Fjellvegen fekk bussrute
Ved opninga av fjellvegen til Tyinkrysset og Valdres i 1934 starta Peder Opheim og Valdresruta ved Ivar Opdal rutekøyring mellom Øvre Årdal og Tyin Hotell. Også Ole H. Hestetun og Alf O. Vee dreiv drosje på denne tida.
Fjellvegen mellom Årdal og Tyin vart straks ein stor turistattraksjon då den opna i 1934.
Stygg ulukke
I 1957 omkom tre personar då ein norsk personbil kolliderte med ein fransk bil og ramla utfor. Franskmannen hadde ikkje overhalde reglane om timekøyring på den smale fjellvegen. Det vil vil seie at trafikken gjekk berre ein veg ein time i slengen for å unngå møtande trafikk.
Ny veg i 1962
Ny veg mellom Årdal og Tyinkrysset vart opna i 1962. Denne vegen går i tre hårnålsvingar som er lagde i tunnel opp til 400 meters høgde. Derifrå stig vegen svakt langs fjellsida til Holsbru, og fylgjer deretter austsida av Moadalen opp til Mannsberg og vidare mot Tyinosen, der den i det vesentlege fylgjer same traseen som gamlevegen til Tyin.